1. မျက်စိလေဆာကုသမှုအပြီးတပ်ပေးထားသော မျက်လုံးအကာကို နောက်တစ်‌နေ့ Follow-Up မပြခင်အထိ အချိန်ပြည့်တပ်ထားရပါမယ်။ မျက်ရည်ကျခြင်းမျိုးရှိပါက မျက်လုံးအကာအကွယ်‌ကိုကျော်၍ လျှံလာသောမျက်ရည်များကို သန့်စင်သောတစ်ရှူး၊ အဝတ်စဖြင့် ညင်သာစွာသန့်ရှင်းပေးပါ။ 

2. မျက်လုံးယားယံခြင်း၊ ဖုန် / သဲမှုန့်ဝင်သကဲ့သို့ ခံစားရခြင်း၊ မျက်စိစပ်ခြင်းများ ခံစားရနိုင်ခြေလည်း ရှိပါတယ်။ ညွှန်ကြားထားသော အကိုက်အခဲပျောက်ဆေး (Paracetamol 500mg) သောက်နိုင်ပါတယ်။ ၁ လုံးအရင်သောက်ပြီး မသက်သာပါက နောက် ၁ လုံးသောက်နိုင်ပါတယ်။ တစ်ကြိမ်နှင့် တစ်ကြိမ်ကြားမှာ အနည်းဆုံး ၃ - ၄ နာရီခြားသင့်ပြီး နာကျင်ခံစားရမှုမျိုး မရှိပါက ဆေးသောက်ရန်မလိုအပ်ပါ။ 

3. ကုသမှုအပြီးညနေမှာ အပြည့်အဝအနားယူရန် လိုအပ်ပါတယ်။ အမြင်အာရုံစမ်းသပ်ကြည့်ခြင်း၊ ဖုန်းကြည့်ခြင်း၊ စာဖတ်ခြင်းမျိုး လုံးဝ (လုံးဝ) မလုပ်သင့်ပါ။ အိပ်မပျော်တာမျိုးရှိပါက ညွန်ကြားထားသော အိပ်ဆေး Diazepam (5 mg) သောက်လို့ရပါတယ်။ 

1. မျက်စိထဲရေမဝင်စေရန် ၁ ပတ်ခန့် အထူးသတိပြုရန် အရေးကြီးပါတယ်။ ရေပုံမှန်ချိုးခြင်းပြုလုပ်နိုင်ပြီး မျက်စိကိုရေမစင်စေရန်တော့ ဂရုပြုရပါမယ်။ မျက်လုံးနားတစ်ဝိုက် သန့်ရှင်းနေစေရန် Saline Solution အသုံးပြုပြီး ညင်သာစွာသန့်စင်ပေးပါ။ မျက်စဥ်း ၂ မျိုးမှလွဲ၍ အခြားအရည်များမျက်လုံးထဲမဝင်နိုင်စေရန် ဂရုစိုက်ပေးပါ။

2. ညွှန်ကြားထားသော မျက်စဥ်းများကို နေ့စဥ်အချိန်မှန်သုံးပေးပါ။

Tobradex (Antibiotic Eye Drops): တစ်နေ့ ၄ ကြိမ် (မနက်၊ နေ့လည်၊ ညနေ၊ ညအိပ်ရာမဝင်မီ)

၁ ပတ်ခန့်သာ အသုံးပြုရန်လိုပြီး ၁ ပတ်ထက်ပိုသုံးရန် လိုပါက ဆရာဝန်မှ ညွှန်ကြားပေးမှာဖြစ်ပါတယ်။

Vislube (Artificial Tears): ၂ နာရီခြားပြီးတိုင်း အသုံးပြုပေးပါ။ ၁ လကနေ ၃ လဝန်းကျင်အထိ သေချာဂရုတစိုက် မျက်စဥ်းခပ်ပေးပြီး မျက်ရည်အရမ်းခြောက်သောအချိန်များတွင် အကြိမ်ရေပိုတိုးသုံးနိုင်ပါတယ်။

3. အချိန်တိုက်ဆိုင်သည့်အခါများတွင် Tobradex ကို အရင်သုံးရန်လိုအပ်ပြီး ၅ မိနစ်ခြားပြီးမှ Vislube ခပ်ပေးပါ။

4. Saline Solution အရည်ကို အသုံးပြုပြီး မျက်လုံးနားတစ်ဝိုက်ကို ညင်သာစွာသန့်ရှင်းခြင်းအတွက် မနက် ၁ ကြိမ်၊ ညအိပ်ရာမဝင်မီ ၁ ကြိမ် လုပ်သင့်ပါတယ်။ 

5. အိပ်တဲ့အခါတိုင်းမှာ မျက်စိအကာအကွယ်တပ်အပ်ပါ။ အကာကို ဆပ်ပြာရည်ဖြင့် သန့်စင်ပြီး နောက်တစ်ကြိမ်မှာ ပြန်လည်အသုံးပြုနိုင်ပါတယ်၊

6. ရေကူးခြင်းကို ၂ ပတ်ခန့် ရှောင်ပါ။ ပင်လယ်ရေထိခြင်း၊ ဒိုင်ဗင်ပြုလုပ်ခြင်းကို ၁ လအထိ ရှောင်ကြဥ်ရပါမယ်။ 

7. အမြင်အာရုံဝေဝါးခြင်း၊ မငြိမ်သေးခြင်းနှင့် အတက်အကျရှိခြင်းတို့ ဖြစ်နိုင်ခြေရှိပြီး ဒါဟာ Healing Period အတွင်းမှာ ဖြစ်လေ့ရှိတာကြောင့် ပုံမှန်ဖြစ်ပါတယ်။ Vislube မျက်စဥ်းကို မကြာမခဏအသုံးပြုပေးခြင်းဖြင့် သက်သာစေနိုင်ပါတယ်။

8. ကုသမှုနှင့်ပတ်သက်ပြီး သိလိုသည်များနှင့် ပုံမှန်မဟုတ်သည်များခံစားရပါက သက်ဆိုင်ရာ Consultant များကို အချိန်မရွေးမေးမြန်းနိုင်ပါတယ်။

1. မျက်စိပွတ်ခြင်း၊ ကုတ်ခြင်းနှင့် အခြားသောပြင်းထန်သည့်လှုပ်ရှားမှုများကို ၁ လ‌‌ရှောင်ကြဥ်ရပါမယ်။
2. အပြင်ထွက်သည့်အခါတိုင်း နေရောင်၊ ဖုန်မှုန့်များကို ကာကွယ်ရန် နေကာမျက်မှန်အသုံးပြုရပါမယ်။

3. ပြင်းထန်သောအားကစားလှုပ်ရှားမှုများကို ၁ လအထိ ရှောင်ကြဥ်ရပါမယ်။ 

ကုသမှုအပြီး အနာကျက်နှုန်းနှင့် အမြင်အာရုံတိုးတက်မှုကို စစ်ဆေးရန်အတွက် ကုသမှုအပြီး ၁ ရက်၊ ၁ ပတ်၊ ၁ လ၊ ၆ လနှင့် ၁ နှစ်အချိန်တွေမှာ Follow-Up လာရောက်ပြသဖို့ အကြံပြုပါတယ်။ ‌နောက်ပိုင်းမှာတော့ ၁ နှစ် ၁ ခါလာရောက်ပြသခြင်းအားဖြင့် အသက်အရွယ်နှင့် မျက်လုံးကျန်းမာရေးအခြေအနေအလိုက် ပြောင်းလဲမှုများကို စစ်ဆေးနိုင်ပါတယ်။